Novas

POXA O PARAMO - resultados

10 / Junio / 2025

O sábado 7 de xuño, no Páramo, tivo lugar unha nova poxa de gando frisón, organizada polo Concello do Páramo e coa colaboración da Consellería do Medio Rural, Xenética Fontao e Caixa Rural, esta poxa tivo lugar de forma paralela a tradicional “Feira de primavera”, unha feira que reúne maquinaria, artesanía, gastronomía, gandería e ocio, sen dúbida un lugar ideal para levar a cabo unha poxa de gando frisón.

Nesta ocasión ofertáronse 15 animais, 7 vacas paridas e o resto xovencas próximas ao parto, que resultaron do agrado do numeroso público asistente, pois todos os animais foron adxudicados.

O prezo medio foi de 3.260 euros, un valor acorde aos actuais mercados de gando e a calidade e condicións dos animais presentados, o que sen dúbida reforza o traballo que están a realizar os criadores de frisón da nosa provincia.

O animal que acadou o prezo máis elevado foi Quintian Lucid 5734 Alfa Red, unha vaca parida de segundo parto e de capa vermella, ofertada pola gandería Quintian, e adquida pola gandería Pena Guisande por un valor de 4.350 euros.

Catálogo poxa O Páramo

As poxas ofrecen vantaxes:

Para os vendedores:

• Poxas publicitadas
• O venres van buscar o animal e o sábado cobrar a poxa, Africor encargase de realizar as probas sanitarias, pelar e coidar os animais na feira.
• Valorización do traballo de selección, presentación dos datos xenealóxicos
• Animais lavados e pelados para potenciar a súa morfoloxía.
• Concentración de compradores
• Publicidade para a gandería

Para os compradores:

• Concentración da oferta
• Garantías sanitarias
• Animais procedentes de explotacións cercanas
• Información xenealóxica completa
• Transporte gratuíto para as ganderías da provincia de Lugo
• 200 euros de axuda de Caixa Rural
• Doses gratuítas por xentileza de Xenética Fontao

NON O DÚBIDE, A MELLOR OPCIÓN PARA VENDER OU COMPRAR