AFRICOR LUGO

Asociación Provincial de Gandeiros de Lugo
para o Control de Rendementos

Novas

SITUACIÓN SANITARIA

29 / Octubre / 2026

Resumo da situación sanitaria referente as enfermedades emerxentes de vacún:

SHAMONDA

En relación a esta enfermidade, cómpre salientar:

Non é unha enfermidade incluída na lista de enfermidades animais da Unión Europea, polo que de momento non están previstas actuacións oficiais dos servizos veterinarios da Consellería do Medio Rural no caso de detección nunha explotación de Galicia.
Ao tratarse dunha enfermidade emerxente, nunca diagnosticada en Galicia, a sospeita de síntomas compatibles nunha explotación débese comunicar ao Servizo Veterinario Oficial.
Non é zoonótica; polo que as persoas non poden infectarse con este virus nin por contacto directo con animais infectados ou os seus produtos, nin tampouco por picaduras dos dípteros do xénero Culicoides spp que a transmiten.
Non é, en principio, unha enfermidade grave aínda que si pode ser moi difusible no rabaño, no que cursa con clínica e diminución da produción de duración aproximada de 7-10 días tras a que os animais adoitan recuperarse. Poden existir efectos reprodutivos (abortos ou malformacións fetais).
Dada a súa transmisión por Culicoides spp, mesmo vector que a Lingua Azul ou a Enfermidade Hemorráxica Epizoótica, os animais poden infectarse só durante o período de circulación do insecto no ambiente, aproximadamente ata o mes de decembro (depende das temperaturas existentes).
Non existe vacina fronte a esta enfermidade polo que as medidas preventivas indicadas son a prevención da picadura dos insectos vectores, coas seguintes medidas:

Hixiene e limpeza nas instalacións para evitar puntos favorables de cría destes insectos.
Desinsectación de explotacións e animais.

Nota circulación

 

LINGUA AZUL

Lembramos que: 

Non existe ningunha restrición de movementos de animais (bovinos, ovinos ou cabrúns) en relación coa Lingua azul a nivel do territorio peninsular (si existen requisitos no caso de movementos a Baleares ou Canarias, así como en movemtentos intracomunitarios ou con terceiros países; agás que os animais non presenten signos de enfermidade antes da carga. 

Os serotipos circulantes actualmente (S3 e S8) producen maior sintomatoloxía clínica que o S4 circulante en Galicia desde 2023. Esta sintomatoloxía é máis acusada en gando ovino, pero tamén individualmente poden existir bovinos cun grao relevante de afectación (febre, diminución da produción láctea, coxera, sialorrea, edemas en cabeza, etc…). Recoméndase polo tanto a vacinación preventiva de bovinos e ovinos (os caprinos non se afectan) como ferramenta absolutamente efectiva para prevenir a enfermidade nos animais.   Estas vacinas están dispoñibles nos establecementos de venda de medicamentos veterinarios. 

Respecto á disponibilidade de vacinas na Consellería do Medio Rural, esta consellería continúa a distribuir gratuitamente doses vacinais do S4 para calquera explotación bovina e ovina e doses do S3 e S8 para as exploacións de gando ovino, ou secundariamente en gando bovino ata agotar existencias. 

A Lingua azul continúa a ser unha enfermidade de declaración obrigatoria polo que ante a detección de animais sospeitosos débese comunicar aos Servizos Veterinarios Oficiais.

 

Nota circulación

 

DEMATOSE NODULAR

Mantéñense as restriccións ata finais de ano

RESOLUCIÓN

 

RECRIA GENÓMICA

CAMPAÑA SEME

BOLSA DE RECRÍA

SITUACIÓN SANITARIA


ACCESOS DE INTERESE

O tempo · meteogalicia
TV, novas relacionadas coa produción de leite
Xunta de Galicia Medio Rural
Xenética Fontao

AFRICOR LUGO

Asociación Provincial de Gandeiros de Lugo para o Control de Rendementos
Ronda de Fingoi, 117 · 27002 3 Lugo· Tfno: 982 25 07 14 · E-mail: info@africorlugo.com
Aviso Legal · Política de Privacidad · Uso de Cookies· Política de Calidad · Canal ético