XORNADAS TIC

19 / Noviembre / 2009

Xornada: Implantación das Tic no medio rural

Esta xornada estivo organizada mediante a colaboración da Asociación Provincial de Criadores de Frisón de Lugo para o Control de Rendementos (AFRICOR LUGO) e a Fundación CEL Iniciativas por Lugo, có obxectivo de concienciar a emprendedores, novos empresarios e empresarios xa consolidados dos sectores agrícola e gandeiro , así como aos técnicos que traballan neste ámbito, da importancia que poden xogar as novas tecnoloxías na mellora da produtividade das súas explotacións.

Na primeira parte da xornada os participantes tiveron a oportunidade de escoitar as seguintes ponencias:

“Produción de auga quente sanitaria e calefacción mediante recuperación de calor nun tanque de leite”, a cargo de Alberto Pereira López, profesor do Instituto de Ensino Secundario “As Mercedes”.
“Aplicación informática para a xestión integral das explotacións gandeiras”, a cargo de Yann Pouliquen, Inxeñeiro Agrónomo da empresa lucense XAN (Xestión Agrogandeira e Natureza).
“Aproximación das TIC ás ganderías de producción de leite” a cargo de Ramiro Fouz Dopacio, licenciado en Veterinaria e Secretario Técnico de AFRICOR LUGO

ponencias

A primeira das ponencias explicou os asistentes como se pode aproveitar o calor que desprende un tanque de leite para enfriar este, dende a temperatura corporal dos animais ata a temperatura de conservación, quentando así auga que logo pode ser empregada na limpeza ou para calefacción.

As outras dúas ponencias estiveron encamiñadas a mostrar os gandeiros as potencialidades de internet na súas explotacións, así Yann fixo referencia a unha nova aplicación informática que estan a desenrolar e que axudará o gandeiro a levar unha xestión eficiente da súa explotación, pola súa banda Ramiro logo expoñer brevemente a situación do medio rural no referente a conexión a internet explicou os asistentes os servizos que Africor Lugo ofrece a través da súa páxina web.

Logo dun breve descanso as xornadas continuaron cos seguintes relatorios:

“Optimización dos costes de produción de leite a través do modelo NIR”, a cargo de José Luis Ruiz Castillo, profesor de nutrición animal da facultade de veterinaria Alfonso X el Sabio de Madrid e representante da empresa Inversiones Moroán.
“Internet na túa explotación”, a cargo de Juan Carlos Díaz Fernández, Director Técnico de IGN Solutions.

Jose Luis explicou os gandeiros a importancia de coñecer e rexistrar todos os eventos que se producen nas explotacións (tratamentos, enfermidades, ect), para logo mediante a análise destos datos poder determinar as cuestións que é necesario mellorar na explotación. Pola sua parte Juan Carlos devolveu os asistentes a realidade indicando os problemas que existen no medio rural para dispoñer dunha conexión a internet de calidade, a vez que indicou como internet pode axudar a desenvolver estas zonas rurais mediante a exposición de varios exemplos de empresas que operan na rede con produtos da zona rural.