AFRICOR LUGO

Asociación Provincial de Gandeiros de Lugo
para o Control de Rendementos

Novas

RESULTADOS POXA MONTERROSO

10 / Diciembre / 2006

Se ben presentouse unha mañá fria, despois do temporal do sábado, a gran demanda de animais de reposición fixo que acudiran ao Mercado gandeiro de Monterroso unhas cen persoas que non deixaron escapar a oportunidade de adquirir algún dos animais presentados.

Vendéronse todos os animais, dezasete xovencas próximas ao parto e tres vacas acabadas de parir, procedentes de trece ganderías da provincia de Lugo.

Os compradores, procedentes de toda a provincia, sendo a maioría para Sarria e Portomarín. Tamén houbo compradores de Pontevedra e Asturias.

O prezo medio de saída foi de 1.383€ e o de remate de 1.775€. O volume total de vendas foi de 35.500€.

O animal que acadou o prezo máis alto foi unha filla de Ricecrest Emerson, con nai James 81, avoa Rudolph 80, e así ata completar 7 xeracións inscritas en libro Xenealóxico, que presentou a gandería Vila, de Nadela, Lugo. A xovenca de 25 meses está preñada con Blitz, do mes de maio. A nai do animal deu en dúas lactacións 20.349 Kg. de leite con 3,88% de graxa e 3,35% de proteína. Así mesmo foi o animal co índice xenético máis alto dos presentados, cun ICO de 1.889. Foi adquirido pola gandería Capón de O Corgo, Lugo.

Salientar a boa acollida da poxa, tendo repercusión incluso fora da provincia, ao achegarse compradores de Pontevedra e Asturias.