Novas

Animais ofertados:              10

Animais vendidos:               10

Volume total de vendas:      22.950 €

Prezo medio de salida:       1.700 €

Prezo medio de venta:        2.295 €

O prezo medio foi idéntico ao de marzo de 2008, nesta mesma poxa, oscilando entre os 1.600 e os 2.950 €.

O animal que acadou o prezo máis alto foi Caseiro de Ernes Mugardos Clara, unha filla de Bos Convincer Mugardos que presentou a gandería Caseiro de Ernes, de Cospeito, de 26 meses de idade, preñada do 29 de xuño, con Damion, pola que se chegou a pagar 2.950 €.   

A xata do sorteo, cedida pola Granxa Gayoso Castro, foi para a gandería Castro Noya S.C., de Vilariño, Trazos, A Coruña. A xata procede da familia da Altagen Mason Roxy, con 8 xeracións en Canadá MB ou Excelente.

As entidades implicadas na organización e patrocinio da poxa foron Africor-Lugo, o Concello de Castro de Rei e Consellería de Medio Rural, coa colaboración de Xenética Fontao e a Granxa Gayoso Castro - Deputación Provincial.

O perfil do animal ofertado nesta poxa foi unha xovenca próxima ao parto, preñada de 8,0 meses, de 26 meses de idade, cunha nai cunha produción media de 10.290 quilos de leite e unha cualificación morfolóxica de 78 puntos.