RESULTADOS CONCURSO CHANTADA 2009

24 / Octubre / 2009

Nesta edición participaron 110 animais procedentes de 29 ganderías, todas elas da provincia de Lugo. O xulgamento estivo a cargo de D. Santiago García Souto, Xuíz Nacional de Conafe.

Pola maña tivo lugar o xulgamento das seccións de xatas e xovencas, onde os asistentes puideron observar uns magníficos exemplares con sección numerosas a animais moi uniformes.

Destacar a notable actuación de todos os animais presentados pola gandería Pozo de Lugo con varios primeiros de sección e a Xovenca Gran Campiona do Concurso, VIEITES CONCHITA IGNITER, unha xovenca de 21 meses de idade que destaca pola sua finura e corrección de todas as súas partes.

Pero tamén e moi destacable a actuación da gandería Novelle, que na súa primeira participación no Concurso obtivo o título de Xata Gran Campiona con Novelle September Nepal.

VIEITES CONCHITA IGNITER - GANDERIA POZO

NOVELLE SEPTEMBER NEPAL - GANDERIA NOVELLE

REY 470 BLANQUITA DOLMAN

NODI AFFIRMED LOLA

Xa pola tarde e cunha maior afluencia de público tivo lugar o concurso das Vacas en Lactación, onde a pesar de haber algunhas seccións con poucos animais o nivel foi altísimo, como destacou o Xuíz.

No apartado de Vacas Novas a Campiona foi Cid Goldwyn Aleluya V unha vaca que ven de obter este mesmo título no Concurso Nacional celebrado en Xixón no mes de setembro, pero que aínda así non o tivo fácil fronte as súas competidoras entre as que destacaba unha vaca de Rey de Miñotelo que acadou o título de subcampiona.

En Vacas Intermedias o Campionato foi para POZO ALLEN 5275 MIMOSA, que logo acadaría o título de Vaca Gran Campiona do Concurso, resultando subcampiona unha vaca de Cid que participou na mesma sección.

No apartado de Vacas Adultas a campiona foi Xercas Cav Djalma Stormatic, unha vaca que xa gañou este ano o concurso de MOEXMU e o Rexional de Galicia, quedando por detras a Tortue de Pozo.