RESULTADOS CHANTADA 2011

12 / Marzo / 2011

GALERIA DE FOTOS

Con cambio de data, pasando ao mes de marzo, tras celebrarse en outubro no pasado ano, tivo lugar a XX edición do Concurso de Gando Frisón de Chantada, facéndoo coincidir coa Feira do Viño. Participaron 21 gandarías, unha delas de Pontevedra, cun total de 84 animais.

O xulgamento estivo a cargo do Xuíz Nacional de CONAFE D. Jordi Juanola Codina, de Cataluña.

Pola maña tivo lugar o xulgamento das seccións de xatas e xovencas.

Foi elixida como mellor xata CID SPIRTE ORFA, da gandaría Cid, de Barreiros, unha xata de nove meses con moita expresividade, limpeza de cuello, moi unida e que marca moi ben a costela. Tanto impresionou ao xuíz que a fixo Xovenca Gran Campioa. A xata Subcampiona foi para a gandaría Carteiro, de Carballedo, CARTEIRO SPIRTE LETIZIA.

Xovenca Gran Campiona - CID SPIRTE ORFA

En xovencas, a campiona foi MANTEIGA GOLDWYN VALENTINE, de gandaría Manteiga, de Vila de Cruces, un animal cunha tremenda estrutura e fortaleza, que se impuxo no campionato a CALLOBRO XACOBEO VALDETEJA, da gandaría Callobro, de Trabada, quedando subcampiona por ter a costela menos arqueada e marcada que a Goldwyn, a pesar de presentar igualmente moita estrutura.

Xovenca Campiona - MANTEIGA GOLDWYN VALENTINE

Xata Subcampiona - CARTEIRO SPIRTE LETIZIA

Xovenca Subcampiona - CALLOBRO XACOBEO VALDETEJA GZ

Xa pola tarde chegou o turno das vacas, unha vez máis os animais sairon a pista coas ubres repletas de leite, e os asistente puideron observar como os mellores exemplares da provincia competian entre sí por demostrar a súas cualidades.

En vaca nova, unha nova promesa, REGO AIRRAID CLAUDINA, de gandaría Rego, de Láncara, da que o xuíz destacou polo seu ubre posterior, ancho e alto. A vaca nova subcampiona foi POZO LHEROS MIKAELA.

Vaca Nova Campiona - REGO AIRRAID CLAUDINA 2485

Vaca Nova Subcampiona - POZOSAA LHEROS MIKAELA

En intermedias, con tres seccións en pista, o campionato foi para a gandaría Rei de Miñotelo, de A Pastoriza, con REI DIANA IGNITER, unha vaca cun ubre impresionante, moi equilibrada e un costillar longo e arqueado. A subcampiona REI ROSITA GOLDWYN tamén destacou por un ubre con moi boa textura e inserción posterior.

Vaca Intermedia Campiona - REY 435 DIANA IGNITER

Vaca Intermedia Subcampiona - REY 454 ROSITA GOLDWYN

En adultas, impúxose CID ROY MUESLE, que sen ser moi grande, presentaba unha tremenda estrutura, cun ubre moi homoxéneo e sen defectos. Esta vaca conseguiu o título de Vaca Nova campioa no Rexional Galego de 2007. Como adulta subcampiona situouse POZO ALLEN MIMOSA, de gandaría Pozo, de Lugo, a vaca adulta subcampiona do Nacional de Conafe 2010.

Vaca Adulta Campiona e Gran Campiona - CID ROY MUESLE

Vaca Adulta Subcampiona - POZO ALLEN 5275 MIMOSA

Ademáis tamén tivo lugar a elección de Mellor Criador do concurso, sección na que compiten grupos de 3 animais nados na mesma explotación, neste caso participaron catro gandería resultando Mellor Criador do concurso a gandería Rei de Miñotelo da Pastoriza, cun grupo de animais moi uniformes e dos que o xuíz destacou as súas ubres, en segundo lugar quedou a gandería Cid de Barreiros.

Mellor Criador - REI DE MIÑOTELO

Segundo Mellor Criador - CID

Vista do concurso

O Mellor Rabaño, por puntos, foi para gandaría POZO, seguido de gandaría CID.

A continuación do concurso de vacas, celebrouse o Concurso de Manexadores, organizado polo Clube de Xóvenes Gandeiros de Galicia. Distribuíuse en catro seccións, máis un campionato, no que resultou campión absoluto José Alberto Iglesias Vila, da gandaría Rei de Miñotelo.