Novas

Premios á Calidade do Leite EXPOAVIGA 2008

15 / Abril / 2008

A gandería de Prevesos, Castro de Rei, SAT VILAR ALAXE acadou o primeiro premio no Concurso Nacional de Calidade do Leite EXPOAVIGA 2008, celebrado o día 15 de abril, na Feira de EXPOAVIGA, en Barcelona.

Esta gandería, foi premiada, xunto con outras cinco, representando a Galicia neste Concurso, que pretende otorgar un recoñecemento público ao esforzo que os produtores españois están a realizar para ofrecer un leite de máxima calidade, superando día tras día as pautas que marca a Unión Europea.

Os mínimos exixidos durante o período analizado (ano natural 2007) son:

-Bacterioloxía                         <30.000 u.f.c./ml.

-Células somáticas                  <200.000 cel./ml.

Ausencia de Inhibidores e de Crioscopia

A partir déstos parámetros increméntanse as exixencias segundo a Guía de Prácticas Correctas de Hixiene correspondentes ao RD 1618/2005.

Cada Comunidade Autónoma nomina un número máximo de 10 explotacións que presentan os mellores resultados.

As ganderías elixidas representando a Galicia foron:

1º premio:   SAT VILAR ALAXE, Prevesos, Castro de Rei

2º premio:   CASA de BAIXO, de Nespereira, Hermida, Sarria

3º premio:   VEGA, de Estrigueiras, Ansemar, Castro de Rei

Diploma:     SAT MENORA, de Veiga de Pumar, Cospeito

Diploma:     SAT O VILAR, de Vilar, Alvare, A Pastoriza

A gandería SAT Vilar Alaxe, xunto coa de Casa de Baixo, teñen, entre outros méritos, o título de Mestre Criador, concedido por CONAFE.

Os premios foron recollidos por Benito Vila Iglesias, de SAT Vilar Alaxe e Gloria García Méndez, de Casa de Baixo, xunto con Manuel Capón Rodríguez, secretario de Africor Lugo, que recolleu os restantes premios en representación do resto das ganderías.

No acto estiveron presentes os Directores Xerais de Gandería da maioría das Comunidades Autónomas, xunto con outras personalidades do MAPA.

Os nosos parabéns a todos os premiados