Novas

Poxa en gandería OUTEIRO

24 / Noviembre / 2012

Poxa en gandaría Outeiro de Chantada: Cumpríronse as previsións dada a alta calidade dos animais presentados.

Presentáronse un total de trece animais, dúas xovencas próximas ao parto e once vacas de leite, das que sete eran de primeiro parto.

Todos os animais presentaban moi altas producións e cualificacións morfolóxicas, o que fixo que o prezo medio chegase aos 2.592 €; para ver estes prezos medios teriamos que remontarnos ao ano 2007.

Á gandaría Outeiro acudiu moito público, nunhas instalacións moi ben preparadas para este tipo de eventos, que aproveitaron para ver o rabaño de produción, onde se atopaban moitas das nais dos animais presentados. Os compradores viñeron de A Coruña. Pontevedra e Lugo.

O prezo máis alto, 3.650 €., foi para unha vaca de segundo parto, cualificada recentemente MB86, parida do 8 de outubro, con cinco xeracións MB, e unha produción en primeiro parto de 10.276 quilos. Trátase de Outeiro Talent Nokia, filla dunha Buckeye, que procede dunha familia de vacas canadenses.

Esta gandaría ten planificada unha nova poxa na propia gandaría para principios do próximo ano.

Con esta poxa Africor Lugo pecha o calendario deste ano, tras realizar seis poxas, cun volume total de vendas de 165.550 €., cun prezo medio de 2.173 €.