Novas

POXA DE GANDO DE CHANTADA

08 / Marzo / 2014

Cunha boa concorrencia de público, presentáronse no Mercado gandeiro de Chantada catorce reses, das que se venderon once.

Tanto os prezos de saída como os de remate estiveron moi contidos, pasando dun prezo medio de saída de 1.650 € a un prezo medio final de 2.070 €.

Segue pois, tras a poxa de Castro en febreiro, unha sorte de prezos baixos que segue sin superar o prezo medio do pasado ano.

Acudiron compradores de tres provincias, sendo os de Lugo maioritariamente da zona sur, xunto a gandeiros de Pontevedra e A Coruña.

  MACIA XACOBEO LAICA - GANDERÍA SOBRADO

O animal que alcanzou o prezo máis alto foi unha xovenca próximo ao parto, filla de Xacobeo, presentada pola gandaría Sobrado, de O Incio, que acadou os 2.600 €.

Esta poxa, organizada conxuntamente pola Asociación de Gandeiros da Comarca de Chantada e Africor Lugo, contou coa colaboración da Cooperativa ICOS, Xenética Fontao, o Concello de Chantada, a Deputación provincial de Lugo e da Consellería do Medio Rural.