Novas

Novo formato de descarga de datos de Control leiteiro

24 / Febrero / 2012

Vaise a modificar a estrutura do ficheiro de descarga de datos cos resultados das análises de Control leiteiro

A efectos do usuario, seguirase accedendo coa clave de Control leiteiro, se ben vanse amosar os datos de graxa e proteína, xunto cos que xa existían de reconto celular.

Esta información estará dispoñible na web aos poucos días de realizado o control, en función do día de control, da periodicidade de entrega de mostras e da súa análise polo LIGAL e de cando este nos envíe os resultados das analíticas. O prazo oscilará entre 2 e 5 días, despois de realizado o Control.

Con este novo formato disporase dos datos de graxa, proteína, urea e lactosa ao mesmo tempo que os datos de reconto celular (reconto, media xeométrica e puntuación lineal)

Xúntase un modelo do ficheiro coa estrutura dos campos

 Este aviso está orientado a aquelas persoas que descargan os datos de control en programas específicos para a súa xestión, a fin de que realizen as modificacións oportunas para poder baixar os datos neste novo formato