MENCIÓNS HONORÍFICAS

02 / Julio / 2013

O mércores 26 de xuño, e logo da asemblea xeral da asociación tivo lugar a entrega dos recoñecementos as mellores ganderías da provincia, segundo os resultados acadados no ano 2012.

Por un lado fixose entrega dos galardóns ás primeiras ganderías por produción, morfoloxía e índices xenéticos, sendo os premiados:

SAT Varela , de Castro de Rei, por produción de leite por vaca ( 13.880 Kg)

Casa de Baixo , de Sarria, pola media de cualificación morfolóxica (87,2 ptos)

Gandería Quintián , de O Páramo, por índices xenéticos (ICO 2.130)

Ademáis, tamén se fixo entrega dun recoñecemento ás mellores ganderías da provincia en función da combinación dos méritos anteriores, tratando de salientar a aquelas ganderías que traballan pola mellora da súa gandería, en busca duns animais máis rendibles para a produción de leite e á vez máis lonxevos, que permitan producir leite, de boa calidade, durante moito tempo.

Para estar neste grupo das mellores ganderías da província é preciso estar entre as cen mellores por produción, cualificación e ICO. A maiores, deben ter un intervalo entre partos e un reconto celular non superior á media da provincia. Esto fai que sexan requisitos moi esixentes, o que abonda no mérito desta ganderías.

Sendo as premiadas en base os datos de 2012 as seguintes:

Gandería	Concello	Cualificación	Leite	ICO
CASA DE BAIXO	SARRIA	87,2	12.972	1.965
SC MASEDA	POL	82,6	12.257	2.060
VILAR DE SUSAO	SARRIA	81,7	12.590	2.114
SC OUTEIRO	CHANTADA	83,9	12.853	1.902
SC NODI	BARREIROS	81,9	13.163	1.870
SC CHUSCO	RIBADEO	82,1	12.225	1.842
SAT CASEIRO DE ERNES	COSPEITO	84,5	11.840	1.855
SAT LODOS E PEREZ	A PASTORIZA	80,7	11.791	1.942