CURSO DE MORFOLOXÍA DE GANDO FRISÓN

07 / Octubre / 2008

O sábado día 4 tivo lugar esta nova actividade formativa organizada por Africor Lugo, dentro dos actos da Feira EXPOLUGO 2008.

O obxectivo do curso foi impartir unha formación sobre morfoloxía de gando frisón, como ferramenta de traballo imprescindible para o gandeiro, á hora de seleccionar os seus animais con vistas á reposición. O coñecemento de cales deben ser as características morfolóxicas ideais das vacas axudaralle a seleccionar mellor os animais e facer máis rendible a súa explotación.

O curso estivo organizado en 5 seccións, 4 de vacas e unha de xatas onde os participantes establecian a súa orde de colocación dacordo co prototipo racial dos animais, e a continuación o xuíz, daba a colocación definitiva e explicaba porque esa era a colocación correcta, facéndolle ver ao alumno o porque desta decisión, axustando desta maneira o criterio a seguir na selección dos animais.

O xuíz encargado de impartir o curso foi D. Javier Álvarez Lastra, Xuíz Nacional de Conafe.

O curso contou cunha boa acollida, cubrindose as 50 prazas ofertadas, os asistentes eran técnicos do sector ou gandeiros, que estaban interesados en mellorar os seus coñecementos referentes a morfoloxía da vaca frisona.

Tamén temos que dar as grazas as ganderías propietarias dos animais, xa que desta forma fixeron posible a celebración dun curso totalmente práctico, donde os participantes puideron traballar directamente cos animais, o que facilita moito a aprendizaxe, estas son:

GANDERÍA OUTEIRO (Chantada)
GANDERÍA CAPÓN (Chantada)
GANDERÍA POZO (Lugo)

Estos animais permaneceron na Feira de Expolugo ata o luns día 6, como mostra da raza frisona na provincia de Lugo.

AFRICOR LUGO

Novas

CURSO DE MORFOLOXÍA DE GANDO FRISÓN

RECRIA GENÓMICA

CAMPAÑA SEME

BOLSA DE RECRÍA

Identificación bovina

ACCESOS DE INTERESE

O tempo · meteogalicia

TV, novas relacionadas coa produción de leite

Xunta de Galicia Medio Rural

Xenética Fontao

AFRICOR LUGO