Concursos · Resultados anteriores

CONCURSO NACIONAL DE PRIMAVERA 2005

20 / Abril / 2005

 A oitava edición deste concurso celebrouse en Torrelavega os días 19 e 20 de Marzo, este concurso estivo marcado pola gran participación e a calidade dos animais presentados.

 A representación de Galicia estivo a cargo da nosa provincia, xa que Africor Lugo asistiu con un lote de 11 animais propiedade de 7 gandeiros da nosa provincia que desexaban poder mostrar a calidade dos animais que posúen.

 Este grupo, aínda que non moi numeroso, foi obxectivo de moitas miradas dende a chegada o concurso, xa que destacaba a uniformidade e calidade de todos os animais que formaron parte da expedición, así dos 10 animais que saíron a pista 8 quedaron colocados entre os cinco primeiros das súas seccións.

 Ademais debemos destacar a actuación de Bos Nodi Merchant Dana ET, unha becerra  propiedade de Gandería Nodi, que logo de quedar primeira na sección de becerras entre 8 e 10 meses, alzouse co titulo de Ternera Campeona.

 No apartado de vacas temos que destacar a dúas vacas moi coñecidas na nosa provincia, Rey 289 Maceira Rudolph  e Seixo Wade Rita, propiedade de SAT Rey de Miñotelo e Casa Pozo, respectivamente, e que se alzaron cos subcampionatos nas seccións de Vaca Intermedia Capeona  e Vaca Adulta Campeona.