AFRICOR LUGO

Asociación Provincial de Gandeiros de Lugo
para o Control de Rendementos

Novas

CHARLA TÉCNICA

03 / Marzo / 2011

Esta charla tivo lugar no Pazo de Feiras de Lugo o día 3 de marzo de 2010, contando como relator a D. Juan Quezada, director de seguridade de MILKSOURCE, unha compañia que produce 600.000 litros de leite ao día.

Os asistentes tiveron ocasión de escoitar de primeira man como é a organización déstas macroexplotacións, como se reparte o traballo e como se coidan as vacas. Juan Quezada ten máis de 30 anos de experiencia e traballou en todos os postos destas explotacións; agora o seu traballo consiste en ensinar ós novos traballadores como se realizan éstes traballos, así como unha filosofía de mellora continua, a vez que se encarga dos temas relacionados coa seguridade no traballo.

Explicou os asistentes a necesidade de protocolizar o traballo, establecer rutinas e ir mellorando éstas de forma continua en base á experiencia acumulada.

Ademáis, fixo un especial fincapé na necesidade de observar e vixiar os animais, explicando como teñen persoal que se dedica unicamente a camiñar polos patios e ir anotando os animais ós que detectan algunha anomalía, para logo pasar nota ós servizos veterinarios, para proceder a tratalos.

Salientar a gran asistencia de gandeiros e técnicos a esta charla que de seguro saberán aplicar estas experiencias ó seu traballo, e que tamén nos indica o interese déste colectivo por coñecer como están a facer as cousas noutros lugares e buscar a forma de mellorar día a día no seu traballo, polo que sen dúbida, a filosofía da que nos falaba Juan Quezada é algo que neste sector está moi presente.