AFRICOR LUGO

Asociación Provincial de Gandeiros de Lugo
para o Control de Rendementos

Novas

CHARLA DO DIRECTOR XERAL DE PRODUCIÓNS AGROPECUARIAS

03 / Junio / 2009

O día 3 de xuño tivo lugar a Asemblea Xeral Ordinaria de Africor Lugo, máximo òrgano de goberno da Asociación e o que compete aprobar as contas e xestión da Xunta de Goberno.

ASEMBLEA XERAL AFRICOR LUGO

Esta tivo lugar no restaurante La Palloza, e o remate da mesma os asistentes puideron escoitar de boca do Director Xeral de Producións Agropecuarias, D. José Álvarez Robledo, as liñas de actuación nas que está a traballar Consellería do Medio Rural na búsqueda de solucións a grave crise do sector lácteo.

Estas actuacións podemos dividilas en dous grupos:

- A curto prazo

Trátase de dar liquidez as explotacións para que poidan continuar a súa actividade, nesta liña xa foi publicada no DOGA do 1 de xuño unha Orde que permitirá os gandeiros adiantar o cobro da PAC por medio dun préstamo cuios xuros corren a cargo da Consellería do Medio Rural.

En breve estarán en marcha uns préstamos para o circulante cun xuro tamén bonificado e que serán xestionados a través do IGAPE

D. José Álvarez Robledo

- A medio prazo

Explicou que se estan a producir unha serie de reunións coa distribución, industria e demáis axentes do mercado do leite, na búsqueda de solucións que axuden a garantir un prezo do leite estable e rentable para o produtor, se ben esto son procesos máis lentos e en que en moitos casos teñen carácter nacional ou internacional, xa que hoxe tanto as industrias como as distribuidoras son en moitos casos grandes empresas que recollen e distribúen leite en varias comunidades ou estados.