Novas

As mellores vacas de España

08 / Julio / 2010

Tras a publicación de CONAFE das valoracións xenéticas de xullo de 2010, oito vacas nacidas na provincia de Lugo aparecen entre o grupo das cen mellores vacas de España.

Salientar a que aparece no quinto posto, TABOADA MODEST GALEA, unha vaca de 2º parto cun ICO (índice xenético) de 3.319 puntos. Este valor de ICO a sitúa por riba de Xacobeo, touro número 1 en España, cun ICO de 3.271 puntos.

Esta vaca da gandería Os Taboada, de Soengas de Arriba, Portomarín, é filla de Bos Lheros Galea. De feito é a única filla registrada desta vaca procedente da Finca de Bos.

Taboada Modest Galea está cualificada MB85 en 2º parto, cunha produción de 14.376 Kg. en primeiro parto.

A Cooperativa Chaín, de Pol, é a única gandería de Lugo que logra situar dous animais entre os cen primeiros.

Por outra banda, PENA MARION BLITZ, da gandería PENA, de Begonte, sitúase no 5º posto español por índice xenético de leite, namentras que en índice xenético de tipo, tamén no 5º posto, sitúase NOVO DUPLEX JENNY, da gandería NOVO CASTRO, de Cospeito.