Novas

Aprolact, a primeira OPL con base cooperativa

18 / Febrero / 2013

Aprolact é unha cooperativa de segundo grao que vai a tramitar o recoñecemento como Organización de Produtores Lácteos (OPL).

Parte do proxecto de seis cooperativas, que agrupan a 1.600 gandeiros, cun volume de leite de 350.000 toneladas, estando aberto á incorporación de máis cooperativas.

Se quere coñecer máis sobre este proxecto pode acudir o día 27 de febreiro á Xornada técnica que organizan AFRIGA e AFRICOR LUGO, na Facultade de Veterinaria de Lugo. A asistencia é libre e gratuita.

O xerente de AGACA, D. Higinio Mougán vai a expoñer como se ten pensado desenvolver este proxecto cooperativo co obxectivo de negociar o prezo do leite do grupo de gandeiros aos que representa.

A maiores, contarase coa presencia de Dona Esperanza Orellana, subdirectora xeral de Produtos Gandeiros do Ministerio de Agricultura, que falará sobre os contratos a asinar entre os gandeiros e a indústria.

Tamén participará D. Hubert Majeslé, xerente da Federación Nacional de Produtores de Leite de Francia, que nos explicará como se organizan os gandeiros franceses para negociar o prezo do leite que producen.