AXUDAS PARA A PRESTACIÓN DE SERVIZOS

26 / Agosto / 2008

Orde do 18 de xullo de 2008 pola que se establecen as bases reguladoras das axudas en concorrencia competitiva para a implantación de servizos de xestión, substitución e aconsellamento e se convocan para o ano 2008.

Esta orde ten 2 liñas diferenciadas:

AXUDAS A IMPLANTACIÓN DE SEVIZOS DE ACONSELLAMENTO E/OU XESTIÓN

No caso das axudas por implantación dun servizo de aconsellamento os beneficiarios serán entidades privadas sen ánimo de lucro ou cooperativas, agás ADSG ou Atrias.

No caso da implantación dun sevizo de xestión, poderán ser beneficiarias as empresas, cooperativas ou entidades asociativas do sector agrario.

Estas axudas teñen unha duración de 5 anos cunha intensidade de axuda decrecente dende o 45% do primeiro ano ata o 9% no quinto ano, así o solicitante tamén se compromete a manter o servizo al menos durante estes 5 anos.

Son conceptos subvencionables os bens inventariables, excepto inmobles, e os gastos salariais derivados da contratación do persoal que leve a cabo o servizo.

AXUDAS A IMPLANTACIÓN DE SERVIZOS DE SUBSTITUCIÓN

Poderán ser beneficiarias as cooperativas ou entidades asociativas do sector agrario que implanten servizos de substitución para os seus asociados.

O persoal contratado deberá dispoñer da titulación de formación profesional de grao superior ou medio, ou da formación especifica determinada pola Consellería do Medio Rural, pero en todo caso o traballador deberá completar a súa formación no prazo dun ano dende a súa contratación segundo o indicado pola Consellería do Medio Rural.

Establécense uns periodos máximos de traballo continuado en cada unha das explotacións, que de forma xeral será dun mes. Tamén un mínimo de 6 explotacións por cada traballador de substitución.

As axudas teñen unha duración de 5 anos, igual que o compromiso da entidade beneficiaria e o importe destas axudas vai decrecendo dende o 80 % do primeiro ano ata o 16 % no quinto ano

O prazo de presentación de solicitudes que remataba o 25 de agosto foi ampliado ata o 8 de setembro para a convocatoria de 2008.

ORDE

AFRICOR LUGO

Lexislación · Axudas

AXUDAS PARA A PRESTACIÓN DE SERVIZOS

RECRIA GENÓMICA

CAMPAÑA SEME

BOLSA DE RECRÍA

Identificación bovina

ACCESOS DE INTERESE

O tempo · meteogalicia

TV, novas relacionadas coa produción de leite

Xunta de Galicia Medio Rural

Xenética Fontao

AFRICOR LUGO