AFRICOR LUGO

Asociación Provincial de Gandeiros de Lugo
para o Control de Rendementos

Lexislación · Axudas

AXUDAS A REPOSICIÓN POR SACRIFICIO OBRIGATORIO

09 / Marzo / 2007

Orde do 19 de febreiro de 2007 pola que se regulan e convocan axudas para a compra de gando bovino que teña por obxecto a reposición das reses como consecuencia do sacrificio obrigatorio en execución dos programas de control e erradicación de enfermidades dos animais.

Esta axuda vai dirixida os titulares de explotacións de gando bovino para a compra de animais da citada especie, cando esta teña por obxecto a reposición dos animais consecuencia dun sacrificio obrigatorio en execución dun programa oficial erradicación de brucelose ou tuberculose.

Os animais adquiridos deben ter unha idade entre 20 meses e 4 anos para gando de aptitude láctea e entre 20 meses e 6 anos para o de aptitude cárnica, aínda que no caso da substitución dun rabaño completo o 30% dos animais poden ter idades entre 8 meses e 6 anos para gando de aptitude láctea e entre 8 meses e 9 anos para o de aptitude cárnica.

A contía das axudas será maior se a explotación pertence a unha ADS, e tamén se está incluida en CONTROL LEITEIRO.

Se os animais sacrificados están inscritos en Control Leiteiro, concédeselles unha contía adicional de 0,15€ por cada quilo de leite que resulte de restar o rendemento leiteiro medio de, polo menos, o 60% das femias da explotación con maior rendemento da cantidade de 6.700 quilos.

Esto supón uns 150€ por animal a maiores por cada 1.000 quilos a maiores dos 6.700.

O prazo de solicitude remata o 21 de novembro do ano 2007

ORDE