Novas

1ª Poxa de Gando frisón de Alta Xenética - RESULTADOS

06 / Octubre / 2007

Vendéronse catro dos seis animais ofertados, nunha poxa que causou bastante expectación, por ser a primeira destas características, ofertando animais con altos índices xenéticos e varias xeracións MB ou Ex no seu pedigrí.

O prezo medio de saída foi de 2.750€, e o de remate de 3.325€, cun volume total de vendas de 13.300€.

O animal que acadou o prezo máis alto foi Pena Blitz Marmax, unha xata de 4 meses, presentada pola gandería Pena, de Begonte, Lugo, que acadou os 5.100€, o prezo máis alto acadado por un animal desa idade nas poxas organizadas por Africor-Lugo. A súa xenealoxía, Blitz x Marmax BB82 x Aaron MB87 x Esquimau EX x Leadman MB87 x Melvin EX, foi a que definiu o prezo de remate, partindo dun prezo de saída de 2.000€. O comprador foi o grupo Alto Miño Xenes.

 O resto dos animais vendidos foron:

	Outeiro Aaron Andina , por 2.600€, unha primeriza parida de xuño. (Aaron x Wade MB86 x Lee MB87 x Adan BB83 x Rotate BB80 x Melvin MB87 x Elevation EX x Astronaut EX x Perseus MB
	Kleine Reixa Ankara Goldwyn , por 3.000€, unha xata nacida en marzo de 2006. (Goldwyn x James MB86 x Lindy MB87 x Marvel EX x Covalt MB87)
	Xercas Porta Cabuxa Forbidden , BB80, por 2.600€, unha primeriza parida de maio, da familia de Snow Dellia. (Forbidden BB80 x Terry MB86 x Leadman EX x Ivanhoe EX)