Concursos · Resultados anteriores

Con respecto ao Concurso Internacional, tan so un animal de Galicia acado un primeiro posto de sección. Este foi Fontestriz Daria Springter, unha filla de Champion Springter (Xenética Fontao) da gandería Fontestriz, de Chantada. Tamén se conseguiron 4 segundos postos de sección, polas ganderías Pozo, de Lugo (3) e Cid, de Barreiros (1).

A gañadora de xatas foi Ametsleku Stormatic Euri, da gandería Ametsleku, de Vizcaya, da que o xuíz do concurso, o mexicano Eduardo García Frías, salientou o seu bo momento de forma. Nas xovencas, a gañadora foi Cudaña Atenas Champion, da gandería Llera Her, de Cantabria, un animal cunha tremenda capacidade e estructura, ou tal como a describiu o xuiz “cunha potencia admirable”. Este animal acadou tamén o título de Xovenca Campiona Internacional.

CUDAÑA ATENAS CHAMPION

No que se refire ao Concurso Rexional, os premios repartíronse entre as ganderías Cid e Pozo. A Xata Campiona foi Cid Gibson Forxa, de gandería Cid, que se situou por diante da Goldwyn de Pozo polos seus aplomos e por estar máis descarnada, mostrando un tremendo carácter leiteiro.

CID GIBSON FORXA

POZO GOLDWYN SARA

Pozo Aaron Morita, foi a Xovenca Campiona, con mellores patas e costela que a subcampiona, outra xovenca de gandería Pozo, Pozo Champion Madia.

POZO AARON MORITA

POZO CHAMP. MADIA 9174 ET

Cid Gibson Forxa, se impuxo como a Xovenca Gran Campiona Rexional. A súa avoa, Cid Lerez Forza, foi Xovenca Subcampiona no Rexional do 2003. O seu pedigrí é Gibson x Outside BB83 x Lerez MB87 x Brisach MB88.

CID GIBSON FORXA