A principal vantaxe deste programa é o control da consanguinidade, evitando o cruce de animais cun parentesco próximo. Os animais consanguíneos son menos produtores e presentan unha menor resistencia ás enfermidades. Tamén téñense en conta cruces de animais portadores de enfermidades de transmisión xenética, como pode ser o CVM ou o BLAD.
Consiste nun estudio técnico dos índices xenéticos, coa axuda dun programa informático, que permite orientar sobre que touros son os máis adecuados para aparear as vacas dunha determinada explotación, de cara a obter unha recría mellorada respecto das súas nais.
De forma optativa, o gandeiro pode elixir que o programa inclúa una visita dun técnico á explotación.
Pártese dos touros dos que dispoña o gandeiro, e coa posibilidade de incluír calquera outro touro do mercado. Salientar que se trata dun servizo independente, sen criterios comerciais. Aparte de traballar con índices xenéticos, tense en conta a morfoloxía dos animais, as condicións de manexo de cada explotación, etc.