Novas

POXA O PARAMO - RESULTADOS

11 / Junio / 2026

O sábado 6 de xuño, coincidindo coas feiras de primaveira, tivo lugar unha nova poxa de gando frisón organizada polo concello do Páramo, esta foi a terceira poxa organizada no Páramo xunto coa feira de primaveira, e unha vez máis foi un éxito, tanto en público como en ventas, demostrando así que a poxa e feira se complementan entre sí.

Dos quince animais presentes solo puideron sair a pista catorce, resultando todos adxudicados cun prezo medio de 3.478 euros, nunha poxa onde seis dos animais presentados eran xovencas próximas ao parto.

Os animais foron para ganderías da provincia de Lugo na súa maioría pero catro marcharon rumbo A Coruña, concretamente para Muxía e Santiago, dando así testemuña da relevancia que estas poxan van gañando pouco a pouco, buscando promover o mercado interno de animais dentro da comunidade e así poder reducir a dependencia fóranea.

O prezo máis elevado foi para una vaca recén parida ofertada pola gandería Do Lancero de Chantada que foi adquirida pola gandería Casa Pedro de Paradela, unha filla de Karl parida do mes de maio adxudicada por 4.900 euros.

Catálogo poxa O Páramo

As poxas ofrecen vantaxes:

Para os vendedores:

• Poxas publicitadas
• O venres van buscar o animal e o sábado cobrar a poxa, Africor encargase de realizar as probas sanitarias, pelar e coidar os animais na feira.
• Valorización do traballo de selección, presentación dos datos xenealóxicos
• Animais lavados e pelados para potenciar a súa morfoloxía.
• Concentración de compradores
• Publicidade para a gandería

Para os compradores:

• Concentración da oferta
• Garantías sanitarias
• Animais procedentes de explotacións cercanas
• Información xenealóxica completa
• Transporte gratuíto para as ganderías da provincia de Lugo
• 200 euros de axuda de Caixa Rural
• Doses gratuítas por xentileza de Xenética Fontao

NON O DÚBIDE, A MELLOR OPCIÓN PARA VENDER OU COMPRAR