Novas

POXA EN SARRIA - RESULTADOS

06 / Mayo / 2026

Un ano máis a poxa de Sarria volveu ser un éxito, pleno de ventas e moito público nunha poxa que daba comenzo as actividades programadas para o fin de semana con motivo da celebración do San Isidro.

Nesta ocasión sairon a pista 15 animais, 12 vacas paridas e tres xovencas próximas ao parto, sendo adxudicadas todas cun prezo medio de 3.413 euros, os animais foron para ganderías da provincia de Lugo pero tamén da Coruña e de Cantabria, pois cinco dos animais ofertados foron adquiridos pola empresa Orgullo Ganadero de Cantabria, ata onde foron trasladados o domingo.

O prezo máis elevado foi para unha primeiriza presentada pola gandería Galán da Pastoriza, de nome Galán Gangway 9977 que foi adquirida pola gandería Xesteiro de Zas, A Coruña.

Estas poxas supoñen un esforzo e un gasto para as entidades organizadoras, así queremos agradecer ao Concello de Sarria a súa organización, sendo as feiras de San Isidro un lugar ideal para realizar este evento, tamén a Xunta de Galicia que a través dunha orde de axudas permite sufragar parte dos gastos, aos servicios veterinarios oficiais, pola súa colaboración para poder presentar os animais con todas as probas sanitarias realizadas, a Cooperativa Aira, a Xenética Fontao que obsequia aos compradores con 6 doses dos seus mellores sementais e a Caixa Rural Galega que colabora con 200 euros por cada animal adquirido nas poxas organizadas por Africor Lugo, entendendo que este tipo de actividades son un dinamizador do sector e axudan tanto aos gandeiros que teñen excedentes de recría como aos que precisan mercar animais.

Catálogo

As poxas ofrecen vantaxes:

Para os vendedores:

• Poxas publicitadas
• O venres van buscar o animal e o sábado cobrar a poxa, Africor encargase de realizar as probas sanitarias, pelar e coidar os animais na feira.
• Valorización do traballo de selección, presentación dos datos xenealóxicos
• Animais lavados e pelados para potenciar a súa morfoloxía.
• Concentración de compradores
• Publicidade para a gandería

Para os compradores:

• Concentración da oferta
• Garantías sanitarias
• Animais procedentes de explotacións cercanas
• Información xenealóxica completa
• Transporte gratuíto para as ganderías da provincia de Lugo
• 200 euros de axuda de Caixa Rural
• Doses gratuítas por xentileza de Xenética Fontao

NON O DÚBIDE, A MELLOR OPCIÓN PARA VENDER OU COMPRAR