Novas

FRIOL 2023

21 / Octubre / 2023

Na maña do sábado 21 de outubro tivo lugar no mercado gandeiro de Friol a segunda poxa de gando frisón organizada por este concello en colaboración con Africor Lugo, logo dos altos prezos acadados o ano pasado, nesta ocasión a situación do sector, cun prezo do leite a baixa e uns custos de produción moi elevados, fixo que os compradores fosen máis cautos a hora de levantar a man.

Vendéronse 17 dos 19 animais presentados, cun volume de ventas de 39.550 euros  e un prezo medio de 2.326 euros por animal, un prezo baixo para a calidade xenética e sanitaria dos animais presentados, moi superior a media dos animais que hai no mercado.

Os compradores foron todos da provincia de Lugo quedando cinco no concello de Friol, entre eles a máis valorada da poxa, unha primeiriza que presentou a gandería Neiras de Sarria  pola que a Casa Roca de Friol pagou 3.050 euros.

GALERÍA FOTOS