Novas

POXA EN SARRIA - RESULTADOS

15 / Mayo / 2025

O sábado 10 de maio tivo lugar en Sarria unha nova poxa de gando frisón, organizada polo concello de Sarria e coa colaboración da Consellería do Medio Rural, Xenética Fontao, Caixa Rural e a Cooperativa Aira, esta nova edición da poxa contou coa presenza de 12 animais, dos cales resultaron vendidos 11, cun prezo medio de 3.320 euros.

Nesta ocasión os animais ofertados eran maioritariamente xovencas, 7 de 12, algo que facia anos que non se producia, pois nos últimos anos os animais ofertados neste tipo de poxas estan sendo maioritariamente vacas paridas. 

A vaca que acadou un maior prezo foi: Grilo Genuine 4219, un exemplar vendido pola gandería Grilo, de Bóveda (Lugo), adquirido pola gandería Pena Guisande, do Páramo (Lugo), por 4.450 euros. A xovenca que alcanzou o prezo máis alto foi Marey Coach 4517 Iris, presentada pola gandería Marey Castro, de Pol (Lugo), adquirida pola gandería Serra, de Sarria (Lugo).

Catálogo de animais

As poxas ofrecen vantaxes:

Para os vendedores:

• Poxas publicitadas
• O venres van buscar o animal e o sábado cobrar a poxa, Africor encargase de realizar as probas sanitarias, pelar e coidar os animais na feira.
• Valorización do traballo de selección, presentación dos datos xenealóxicos
• Animais lavados e pelados para potenciar a súa morfoloxía.
• Concentración de compradores
• Publicidade para a gandería

Para os compradores:

• Concentración da oferta
• Garantías sanitarias
• Animais procedentes de explotacións cercanas
• Información xenealóxica completa
• Transporte gratuíto para as ganderías da provincia de Lugo
• Doses gratuítas por xentileza de Xenética Fontao

NON O DÚBIDE, A MELLOR OPCIÓN PARA VENDER OU COMPRAR