Novas

Mellor queixo de España

21 / Abril / 2026

A queixería Arias Moniz de Chantada co seu queixo denominado Savel, acadou a distinción de mellor queixo de España de todas as categorías, dende logo un mérito moi salientable que premia o bo facer desta queixeria.

Arias Moniz elabora os seus queixos a partir do leite das súas propias vacas, a gandería Outeiro,  sendo así un exemplo de diversificación e de como transformar o produto para acadar unha diferenciación no mercado.

Outra gandería lucense, Quintián do Pàramo, tamén recibiu o recoñecemento pola calidade do seu queixo denóminado Mourelo que acadou a plata na categoría de queixos curados de vaca con leite crú.

Outeiro e Quintián son dúas ganderías socias de Africor Lugo que optaron por dar un paso máis e elaborar queixos a partir do leite que producen, grazas o traballo e esforzo realizado, hoxe son recoñecidos en toda España pola calidade do seu produto, noraboa polos éxitos acadados.