MOEXMU 2013

08 / Abril / 2013

Nesta edición de Moexmu participaron 23 gandarías que presentaron un total de 93 animais, de Lugo, A Coruña, Pontevedra e Asturias. A pesar do mal tempo, houbo boa asistencia de público, como é habitual neste concurso, sobre todo nas seccións da tarde.

Resultados completos

Galeria fotos

Videos Afriga TV

TVG O AGRO - Gandería Pozo (minuto 33)

A gandaría Pozo, de Lugo, non deu moito xogo aos seus rivais, levando a grande maioría dos premios. Salientar a presenza de Giuseppe Beltramino, xuíz italiano de la ANAFI, que realizou un moi bo xulgamento, con boas explicacións, convincentes, nun correcto castelán.

En xatas, o campionato foi para a presentada por gandaría Pozo, da sección de 11 a 13 meses, Pozo Tee Off 6566, que xa destacou na súa sección por ser unha xata moi balanceada, boa motilidade en pista e unha grande anchura de peito. A subcampiona foi a que quedou segunda desa mesma sección, Manteiga Xacobeo Clementina, da gandaría Manteiga, de Vila de Cruces, unha xata tamén moi ben desenvolvida, moi próxima á de Pozo.

Marcelino co Xuíz e as Campionas

XATA CAMPIONA

POZOSAA TEE OF 6566 - CASA POZO

XATA SUBCAMPIONA

MANTEIGA XACOBEO CLEMENTINA - MANTEIGA

O campionato de xovencas e o título de xovenca gran campiona, non causou novidade, xa que foi para Pozo Denzel Antía, a gañadora do ano pasado en Moexmu. Segue sendo un animal con moito carácter leiteiro, cunha costela moi aberta e grande fortaleza de lombo. O subcampionato de xovencas levouno Rei Sonrrisa Sid, da gandaría Rei de Miñotelo, de A Pastoriza.

XOVENCA CAMPIONA

POZOSAA DENZEL 1640 ANTIA - CASA POZO

XOVENCA SUBCAMPIONA

REY 547 SONRRISA SID - REI DE MIÑOTELO

Xa pola tarde, chegou o turno das vacas en lactación, onde os asistentes puideron contemplar seccións númerosas e con animais de altisima calidade, como resaltou o Xuíz en varias ocasións.

A vaca nova tamén foi para gandaría Pozo, con Pozo Goldwyn Sonia, que se impuxo á subcampiona, Rego Xacobeo Xena, de gandaría Rego, de Láncara, pola súa mellor costela e ubre máis ancho, a pesar de que a Xacobeo é un animal con moito carácter leiteiro combinado con moita fortaleza. Neste concurso puidéronse ver en pista un total de dezasete fillas de Xacobeo, o touro que presentou o maior número de fillas.

VACA NOVA CAMPIONA

POZOSAA GOLDWYN 9545 SONIA - CASA POZO

VACA NOVA SUBCAMPIONA

REGO XACOBEO XENA 8888 - REGO

Na categoría de intermedias, a gandaría Pozo foi novamente a gañadora, con Pozo Goldwyn Rula, por diante da subcampiona, Cesares Boeza Dancer, de gandaría Cesares, de Lousame. Foi a fortaleza de lombo e o equilibrio entre formato corporal e de ubre que presentou nla Goldwyn o que a fixo merecedora do campionato. A subcampiona destacou pola súa tremenda fortaleza e estatura.

VACA INTERMEDIA CAMPIONA

POZOSAA GOLDWYN 6821 RULA - CASA POZO

VACA INTERMEDIA SUBCAMPIONA

CESARES BOEZA DANCER - CESARES

No campionato de adultas, Rei Rosita Goldwyn de gandaría Rei de Miñotelo, impúxose á subcampiona, Capón Goldwyn Marisa, de gandaría Capón, de Chantada, polo seu mellor ubre e un maior equilibrio e fortaleza.

VACA ADULTA CAMPIONA

REY 454 ROSITA GOLDWYN

VACA ADULTA SUBCAMPIONA

CAPON-HOLSTEIN GOLDWYN MARISA - CAPON

GRAN CAMPIONA DE VACAS

POZOSAA GOLDWYN 9545 SONIA con Marcelino, Xosé Luis e Giuseppe

O mellor Criador foi a gandaría Pozo, que presentou un lote cuns ubres moi destacados, mentres que o segundo mellor criador foi o presentado por gandaría Rei de Miñotelo, cun grupo moi uniforme. O mellor Rabaño e segundo mellor rabaño, adxudicado por puntos, foi para as mesmas gandarías, na mesma orde.

MELLOR CRIADOR

CASA POZO

SEGUNDO MELLOR CRIADOR

REI DE MIÑOTELO

A mellor gandaría de nova participación foi para SAT A Vereda, unha gandaría de recente formación procedente da fusión de cinco gandarías de Castro de Rei e de A Pastoriza, quedando en segundo lugar a gandaría Carballeiras, de Lalín.

CONCURSO DE MANEXADORES

O domingo 7 de abril tivo lugar o tradicional Concurso de Xóvenes Manexadores Muimenta 2013, este estivo organizado polo Clube de Xóvenes Gandeiros de Galicia co xulgamento a cargo de D. Giuseppe Beltramino, xuíz internacional da Asociación de Frisoa de Italia.

O concurso estivo organizado en tres seccións e logo un campionato entre os dous mellor clasificados en cada unha das seccións.

Sección 1ª: Persoas que teñan máis de 21 anos.